Die Goeie Dokter

Hoe effektief is Covid-vaksiene werklik?

Data uit Engeland en ander lande toon al duideliker hoe groot verskil die Covid-vaksiene maak aan hospitalisasie, ernstige siekte en sterftes maak, en dat die entstowwe baie veilig is.

Hoewel mense steeds Covid kan kry, is die sterftekoers dramaties laer. Ons kyk vandag na die doeltreffendheid van die verskillende vaksiene teen die verskillende variante.

Luister hier na die volledige gesprek met Prof Glenda Gray, president van SA Mediese Navorsingsraad.

Prof Gray sê ook dat die enigste manier om die Covid-pandemie onder beheer te bring, is deur vaksinering:
https://www.news24.com/amp/news24/southafrica/news/vaccines-are-the-only-way-to-control-the-pandemic-says-samrc-head-prof-glenda-gray-20210723

Ondanks newe-effekte is die Pfizer en J&J vaksiene is veilig en doeltreffend teen die delta variant.

Van die newe effekte sluit in swelling, rooiheid, pyn by die spuitplek, en ook koors, hoofpyn, moegheid, spierpyn en naarheid kort na die inenting.
Skaars newe effekte sluit in trombositopenia sindroom (TTS) (In 3 uit miljoen J&J inentings), anafilaktiese skok, miokarditis/perikarditis (in 3,5 gevalle per miljoen Pfizer dosisse) en Guillain-Barré Sindroom (in 7.8 gevalle vir elke 1 miljoen J&J dosisse).
As newe effekte ontwikkel, is dit binne ses weke duidelik. “Millions of people have received Covid-19 vaccines, and no long-term side effects have been detected,” she added.
Elke miljoen doserings J&J vaksien voorkom 3400 sterftes, en een miljoen Pfizer doserings voorkom 3600 sterftes. Die voordele is baie meer as die risiko’s volgens Prof Gray.