As jy ‘n vrou in jou vrugbare jare is by wie dokters ‘n mioom gediagnoseer het, moet jy jou ore spits.
Marí Hudson gesels in Vrouemaand met dr Victor Hulme, ’n ginekoloog verbonde aan die Aevitas fertiliteitskliniek in Pinelands, Kaapstad, oor miome – die groeisels in die baarmoeder wat pyn en onvrugbaarheid kan veroorsaak – en die jongste nuus oor die behandeling daarvan. Hy vertel hoe vroue gratis aan ’n internasionale studie kan deelneem, waar vroue met miome nie geopereer word nie, maar met medikasie behandel word.
Jy kan gratis aan ‘n studie deelneem waar Dr Hulme vroue met miome met een van twee soorte medikasie gaan behandel – dus geen chirurgie nie. Die deelname en behandeling is gratis vir die deelnemende vroue.
Jy kwalifiseer om deel te neem aan die studie as jy:
- Met ‘n mioom of miome diagnoseer is
- nie ‘n operasie wil ondergaan om dit te behandel nie
- tussen 18 en 50 jaar oud is
- nie beplan om binne die volgende 2 jaar swanger te raak nie
- jy swaar menstrueer.
Kontak dan Suster Tersia Fourie by die Aevitas Kliniek in Pinelands, Kaapstad op 071 236 6565 of die kliniek se algemene telefoonnommer 021 531 6999 en vra om met Suster Fourie te praat.
In die tweede deel vertel prof. Igno Siebert, ook van die Aevitas kliniek, oor endometriosebehandeling, want geen vrou behoort ‘n tweede endometriose-prosedure te benodig nie.
Laai Af (22 108KB)
Teken in met iTunesMeer inligting oor Endometriose
Geen vrou behoort ‘n tweede endometriose-operasie te benodig nie. As jy ‘n tweede operasie moet kry, sorg dat jy by een van die sowat 5 beste endometriose-spesialiste in die land uitkom sodat al die endometriose-weefsel met een endoskopiese prosedure verwyder kan word en jy nie ‘n derde, vierde of vyfde operasie benodig nie, is die belangrikste boodskap oor endometriose-behandeling.
Klik hier vir al die inligting wat jy oor endometriose benodig met skakels na potgooie van onderhoude oor endometriose en die webblad van dokters wat uitstekende endometriose chirurgie kan doen.
